Actividades ás tardes nos centros escolares de lecer educativo, artísticas, creativas, físicas e deportivas para alumnos dos ciclos Infantil, Primaria e Secundaria.

Lugar: Galicia
Fecha: Durante o curso escolar

Escolle:

> Extraescolares
> Extraescolares EEI Crespo Rivas
> Extraescolares CEIP Alvarez Limeses

As Actividades Extraescolares representan para os nenos/as unha proposta educativa e de ocio complementaria á formación escolar; un espazo que contribúe ao seu desenvolvemento integral á vez que facilita aos pais e nais a conciliación do horario laboral co escolar.

Dende Anias creamos programas dinámicos e funcionais, adaptándonos ás necesidades de cada Centro Educativo e proporcionando ao alumnado a posibilidade de realizar as súas actividades e xogos favoritos nun ambiente san e seguro.

En Anias ofrecemos un servizo integral de calidade, cunha carta variada e actualizada de actividades impartidas por profesionais experimentados.

A nosa oferta inclúe:

- O deseño dun programa de actividades adaptado e personalizado para cada centro, mantendo aquelas actividades que pola súa traxectoria no centro se queren seguir ofertando, e incorporando outras novas que complementen e melloren a oferta existente para o seguinte curso.

- Un equipo de monitores/as especializadas para cada actividade coa posibilidade de incorporar ao programa monitores/as de cursos anteriores, sempre que respondan ao perfil profesional requirido pola empresa para garantir un desenvolvemento óptimo da actividade.

- Cobro e xestión de recibos mediante domiciliación bancaria.

- Control de alumnos/as con parte de asistencia diario.

- Control e recollida de nenos que participan no comedor e nas extraescolares

- Atención telefónica e persoal das necesidades dos pais/nais.

- Control de calidade das actividades con avaliación continua mediante reunións periódicas da coordinadora co equipo de monitores/ás e cuestionarios de valoración aos nenos/as e pais/nais.

- Información periódica a ANPA e/ou ao centro educativo do funcionamento e evolución das actividades.

- Coordinación co centro para o uso de instalacións e mantemento destas nas condicións axeitadas.

- Mantemento das actividades con substitución de monitor en caso de baixa laboral.

- Posibilidade de contratación dunha persoa que permaneza no centro escolar para a coordinación dos grupos e control de espazos durante o horario das actividades.

As áreas nas que ofrecemos actividades son as seguintes: 

• Artísticas
• Físicas y deportivas
• Formativas
• Lúdico-educativas